Uppboðsskilmálar Fold uppboðshúss ehf.

1. Gildissvið

Fold uppboðshús ehf. heldur uppboð á listmunum og öðrum verðmætum, bæði með hefðbundnum uppboðum í sal og með vefuppboðum á netinu, í samræmi við gildandi lög og reglur. Skilmálar þessir gilda fyrir öll uppboð Foldar.

2. Sala og ástand verka

Öll verk eru seld "eins og þau eru" við sölu (hamarshögg). Kaupandi ber ábyrgð á að kynna sér ástand verka, hvort heldur með eigin skoðun eða óska eftir ástandsskýrslu. Fold og seljandi bera enga ábyrgð á göllum, hvorki sýnilegum né leynilegum, né heldur lýsingu, uppruna eða aldri verksins.
Ekki er um vísindalega skoðun að ræða nema sé þess getið sérstaklega. Fold áskilur sér rétt til að breyta lýsingu fram að uppboði. Fold ábyrgist ekki að allar lýsingar séu tæmandi eða nákvæmar.

3. Verðmat verka

Allir þeir munir sem boðnir eru upp eru metnir af Fold. Verðmatið er áætluð upphæð miðað við væntanlegt hamarshögg. Áætlunin byggir á fyrri sölu sambærilegra muna ásamt fyrri reynslu Foldar.
Hamarshöggið getur því orðið bæði hærra eða lægra en áætlað verð.

4. Lýsing á hlutum

Listaverk og munir sem boðnir eru upp eru kynntir með ljósmyndum og lýsingum í söluskrám og á vefnum uppbod.is. Lýsingin er unnin eftir bestu vitund Foldar og byggir á ítarlegri rannsókn í samræmi við ríkjandi viðhorf sérfræðinga á þeim tíma sem salan fer fram.
Listaverk og munir sem boðnir eru upp eru oft af þeim aldri og eðli að þeir eru slitnir, viðgerðir eða skemmdir. Almennt eru allir munir seldir sem notaðir hlutir. Lýsing á ástandi hluta á uppbod.is er unnin eftir bestu vitund Foldar, en hún byggir ekki á vísindalegum rannsóknum. Lýsingin þjónar eingöngu til auðkenningar og sem hjálpartæki fyrir þá bjóðendur sem ekki geta skoðað hlutina á forsýningu.
Í sumum tilvikum getur Fold ákveðið að lýsa uppruna hlutarins (eigendasaga). Slík lýsing er veitt ef fyrri eigandi er opinberlega þekktur og/eða ef saga fyrri eignar eykur skilning á hlutnum og bakgrunni hans. Í öðrum tilvikum er slíkum upplýsingum sleppt, til dæmis til að virða óskir seljanda um persónuvernd.

5. Forsýning

Listaverk og munir sem boðnir eru upp eru sýndir fyrir uppboð í einum af sýningarsölum Foldar. Hugsanlegum bjóðendum er eindregið ráðlagt að skoða hlutina vandlega en þeir bera sjálfir ábyrgð á að sannreyna ástand hlutanna við forsýninguna. Þar gefst bjóðendum einnig tækifæri til að ráðfæra sig við sérfræðinga Foldar.

6. Lágmarksverð

Listaverk og munir sem boðnir eru upp geta haft lágmarksverð sem hefur verið samið um við seljanda, og ekki er heimilt að selja hlutina undir þessu verði.

7. Hamarshögg og tilboð

Uppboðshaldari hefur heimild til að:

•Stjórna uppboði, þ.m.t. skiptingu og tímasetningu.
•Endurvekja uppboð á verki ef vafi leikur á hæsta boði.
•Hafna tilboðum sem eru undir ákveðnu viðmiði.
•Hækka lágmarkshækkun boða ef þörf krefur.

Lágmarkshækkun milli boða er almennt 10%. Boð undir 1.000 kr. eru ekki tekin gild. Ef vafi leikur á hvaða kaupanda verk hefur verið selt til, er heimilt að bjóða það upp að nýju.

8. Skráning og netuppboð

Fyrir þátttöku í vefuppboðum Foldar þarf að skrá sig á vef Foldar og skrá greiðsluupplýsingar (t.d. greiðslukort eða bankatryggingu). Fold áskilur sér rétt til að staðfesta eða hafna skráningu að eigin mati. Við vefuppboð geta kaupendur sett hámarksboð, og hækkar kerfið sjálfkrafa boð kaupanda upp að því marki í samkeppni við önnur boð. Það þýðir að boðið gefur til kynna þá hámarksupphæð sem bjóðandi hyggst bjóða. Kerfið býður síðan sjálfkrafa fyrir hönd bjóðandans og tryggir eins hagstætt hamarshögg og mögulegt er, án þess að fara yfir þá hámarksupphæð sem bjóðandinn hefur sett. Til að forðast villur er bjóðandi beðinn um að staðfesta boðið áður en það er skráð.
Fold ber ekki ábyrgð á tæknivillum, truflunum á netþjónustu eða öðrum atvikum sem kunna að hafa áhrif á vefuppboð.

9. Ábyrgð kaupanda

Kaupandi er sá bjóðandi sem leggur fram hæsta boðið og nær þannig að fá hamarshöggið. Á því augnabliki sem hamarshöggið fellur myndast bindandi kaupsamningur á grundvelli þessara skilmála. Ef boð eru lögð fram fyrir hönd annarra ber bjóðandi ábyrgð á viðskiptunum sem ábyrgðarmaður.
Ef boð er lagt fram rétt fyrir lok uppboðsins getur verið hætta á að boðið skráist ekki tímanlega og verði því ekki gilt. Bjóðandi getur ekki gert neinar kröfur á hendur Foldar vegna þessa.
Fold getur hafnað því að taka við boði ef ekki er veitt fullnægjandi trygging fyrir greiðslugetu bjóðanda, eða ef bjóðandi hefur áður vanefnt greiðsluskyldur vegna kaupa hjá Fold.

10. Fyrirframboð, símaboð og netboð

Fold tekur við fyrirframboðum og símaboðum skv. ósk kaupenda. Óskir um forboð eða símaboð skulu berast a.m.k. 2 klst. fyrir uppboð. Fold ábyrgist ekki að símaboðum verði svarað á uppboðstíma. Fold ber enga ábyrgð á mistökum eða tæknilegum hindrunum við móttöku netboða.

11. Gjöld og skattar

Ofan á hamarshögg leggst:

20% uppboðsgjald.
10% höfundaréttargjald (lækkar ef söluverð fer yfir €3.000).

Virðisaukaskattur á uppboðsgjald:

24% á skrautmuni, silfur, skartgripi og aðra muni en listaverk.

Virðisaukaskattur á hamarshögg og uppboðsgjald:

11% á bækur

Greitt skal í íslenskum krónum. Ef greitt er með kreditkorti getur Fold lagt á auka þjónustugjald skv. gjaldskrá.

12. Höfundaréttargjald (Droit de Suite)

Við endursölu listaverka bætist höfundaréttargjald við, m.v. sölugengi evru á söludegi.

1. 10% af þeim hluta söluverðs sem samsvarar að hámarki 3.000 evrum;
2. 5% af þeim hluta söluverðs sem samsvarar 3.000,01 evru upp í 50.000 evrur;
3. 3% af þeim hluta söluverðs sem samsvarar 50.000,01 evru upp í 200.000 evrur;

Gjaldið aldrei hærra en 12.500 evrur.

13. Greiðsla og ábyrgð

Greiða skal fyrir keypt verk innan tveggja (2) daga frá kaupum. Fold áskilur sér rétt til að skuldfæra greiðslu sjálfkrafa af skráðu greiðslukorti. Ef greiðsla berst ekki innan frests geta Fold og seljandi:

Krafist dráttarvaxta samkvæmt reglugerð.
Rift kaupum og selt verk að nýju með þar sem kaupandi ábyrgist tap seljanda.

Eignarréttur fer ekki yfir til kaupanda fyrr en full greiðsla hefur borist.

14. Afhending og geymsla

Kaupandi skal sækja verk innan sjö (7) daga. Eftir þann tíma leggst 1.000 kr. vikugjald á fyrir geymslu og tryggingu. Verki sem er ekki sótt innan tólf (12) vikna getur verið selt til að endurheimta kostnað.
Fold getur á ósk kaupanda aðstoðað við flutning, en án ábyrgðar á tjóni eða töfum. Kaupandi ber ábyrgð á öllum nauðsynlegum leyfum fyrir flutning yfir landamæri.

15. Útflutningur

Kaupandi ber ábyrgð á að afla allra nauðsynlegra leyfa fyrir útflutning listaverka.

16. Riftun vegna rangra upplýsinga

Kaupandi getur, undir ákveðnum skilyrðum, krafist riftunar ef veruleg mistök í lýsingu verks koma í ljós. Kvörtun skal berast skriflega innan tveggja (2) mánaða og verk skal vera í sama ástandi og það var við afhendingu.

17. Ábyrgð við vanefndir

Verði vanefndir af hálfu kaupanda ábyrgist hann allan tilfallinn kostnað við sölu verksins að nýju, ásamt hugsanlegum verðmun, þóknunum og öðrum lögmætum gjöldum.

18. Skilaréttur

Það er ekki skilaréttur vegna kaupa á uppboðum. Lög nr. 16/2016 kveða á um undantekningu á skilarétti ef um opinber uppboð er að ræða.

19. Ágreiningur og takmörkun ábyrgðar

Fold uppboðshús gerir sér grein fyrir að villur, tæknileg vandamál og utanaðkomandi misnotkun eða truflanir geta átt sér stað á meðan á uppboði stendur. Bjóðendur geta ekki gert neinar kröfur á hendur Fold uppboðshúss vegna slíkra atvika.
Kaupandi ber alltaf ábyrgð á réttri greiðslu virðisaukaskatts og annarra gjalda, kostnaðar o.fl. í samræmi við lög og reglur.
Nema annað sé sérstaklega tekið fram í þessum skilmálum, ber Fold enga ábyrgð á rekstrartapi, missi hagnaðar eða öðrum óbeinum tjónum eða afleiddum skaða sem bjóðendur/kaupendur kunna að verða fyrir.

20. Persónuvernd

Fold gætir öryggis og trúnaðar um allar persónuupplýsingar viðskiptavina, í samræmi við persónuverndarlög. Fold hefur leyfi til þess að afhenda kaupanda og seljanda upplýsingar um hvorn annan.

21. Ágreiningur og varnarþing

Mál vegna ágreinings skulu í fyrstu send Neytendastofu eða í netágreiningskerfi (ODR) samkvæmt reglum Evrópusambandsins. Komist ekki samkomulag, ræður varnarþing Héraðsdómur Reykjaness um úrlausn mála.

Fold uppboðshús ehf.
Kt. 431199-2629 | VSK nr. 134732 Sími: 551-0400 | Netfang: fold@myndlist.is Rauðarárstígur 12–14, 105 Reykjavík

Gallerí Fold