Breskur listamaður málar Stjórnlagaráð

Á Menningarnótt, þann 20. ágúst opnar Nikhil Kirsh sýninguna Transgress – ramma fyrir ramma í Galleríi Fold.

Nikhil Kirsh er breskur portrett listamaður sem hefur hlotið góðar móttökur hjá íslenskum listunnendum en hann flutti nýlega til landsins frá London. Hann vonast til þess að málverkin hans muni veita fólki nýja sýn og verði hluti af þeirri endurreisn sem Ísland gengur í gegnum.

Nikhil telur það skyldu hvers listamanns að horfa lengra en að þeim öflum sem reyna að stjórna þróun samfélagslegrar vitundar og beita skarpskyggni sinni til að vísa leiðina áfram með tærri sýn sem veitir innblástur og von. Í nýjustu verkum hans má sjá myndbirtingu lotningar og afsal sjálfsins fyrir mannlegri vitund sem tengir okkur öll í eina stóra fjölskyldu. Þetta viðhorf Nikhils hefur fundið verkum hans sess í ölduróti íslensk samfélags. Í forgrunni sýningarinnar er stórt málverk af Stjórnlagaráði, hrífandi tákn vonar um lýðræðislegar framfarir fyrir íslenskt samfélag rétt eins og heiminn allan.

Nikhil Nathan Kirsh er fæddur árið 1979 í London. Hann stundaði nám við University of Hertfordshire 1997 – 1998 og lauk BA Honours prófi í ljósmyndun frá Manchester Met. University 2003. Árið 2007 fékk hann kennsluréttindi með áherslu á listkennslu frá Brighton University og lauk MA prófi frá sama skóla 2009.